Բաղրամյան պողոտան դեռ փակ է, իսկ փողոցում անգամ ցուցարար չկա

«Հայրենիքի փրկության շարժման» ակտիվիստները շարունակում են փակ պահել Բաղրամյան պողոտան և Դեմիրճյան փողոցը:

Ինչպես ավելի վաղ  գրել էինք, առավոտյան և ցերեկվա ժամերին Բաղրամյանում ընդամենը մոտ 50 ցուցարար են, իսկ Վազգեն Մանուկյանի ու Իշխան Սաղաթելյանի հայտարարած «հուժկու» հանրահավաքներին մասնակցում է ընդամենը 2-3 հազար քաղաքացի, և բնական է, որ նման փոքրաթիվ հանրահավաքներով անհնար է իրականացնել իշխանափոխություն։

Բայց միևնույն ժամանակ փակ պահելով Երևանի գլխավոր պողոտաներից մեկը՝ Բաղրամյանը, ընդդիմությունը ծանրաբեռնել է մայրաքաղաքի երթևեկությունը, ինչն էլ առաջացրել է քաղաքացիների դժգոհությունը։

Կապ չունի, իշխանամետ թե ընդդիմադիր, քաղաքացիներից շատերն են պնդում որ Բաղրամյանում հավաքվածները միևնույն է ոչնչի չեն հասնի, սակայն Բաղրամյան պողոտան փակ պահելով անհարմարություններ են պատճառում իրենց՝ ծանրաբեռնելով մայրաքաղաքաղի առանց այն էլ ծանրաբեռնված երթևեկությունը։

Լուսանկարները՝ Amtimes

Loading

Մի մոռացեք կիսվել Ձեր ընկերների հետ