![]()
Ինչպես քիչ առաջ հայտնի դարձավ, Հայաստանի Հանրապետության Զինված ուժերի գլխավոր շտաբի պետի նախկին առաջին տեղակալ Տիրան Խաչատրյանը դիմել է ՀՀ վարչական դատարան՝ պահանջելով անվավեր ճանաչել ՀՀ նախագահ Արմեն Սարգսյանի հրամանագիրը՝ իրեն պաշտոնից ազատելու վերաբերյալ:
Հիշեցնենք, որ նախագահ Արմեն Սարգսյանը Տիրան Խաչատրյանին ազատել էր Զինված ուժերի գլխավոր շտաբի պետի առաջին տեղակալի պաշտոնից, հիմք ընդունելով վարչապետի առաջարկությունը, համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 40-րդ հոդվածի 3-րդ մասի։
Համաձայն Սահմանադրության 133-րդ հոդվածի 1-ին մասի՝ Հանրապետության նախագահը, վարչապետի առաջարկությամբ, օրենքով սահմանված դեպքերում և կարգով նշանակում և ազատում է զինված ուժերի և այլ զորքերի բարձրագույն հրամանատարական կազմը:
Համաձայն «Զինվորական ծառայության և զինծառայողի կարգավիճակի մասին» օրենքի 40-րդ հոդվածի 3-րդ մասի` Պայմանագրային զինծառայողին զինվորական պաշտոնից ազատելը` ատեստավորման արդյունքներով զբաղեցրած պաշտոնին չհամապատասխանելու կամ կարգապահական տույժի կարգով:
Ինչը ենթադրում է, որ ՀՀ նախագահի դեմ Տիրան Խաչատրյանի ՀՀ վարչական դատարան ներկայացրած հայտը որևէ հիմք չունի, իսկ Տիրան Խաչատրյանը որևէ շանս չունի իր՝ նախկին պաշտոնում վերականգնվելու։
![]()