Խաղաղապահներն Ամանորին շարունակել են ապահովել արցախցիների անվտանգ վերադարձը

Նոր տարվա առաջին օրերին Արցախում տեղակայված ռուս խաղաղապահները շարունակել են ապահովել տեղահանվածների անվտանգ վերադարձը հայրենի օջախ։ ՌԴ ՊՆ կայքը տեղեկացնում է, որ 2021 թ․ առաջին օրերին ավելացել է Բերձորով Ստեփանակերտ վերադարձող մեքենաների հոսքը։

«Ստեփանակերտում էլեկտրականության, ջրի մատակարարման և կարևոր քաղաքացիական ենթակառուցվածքների վերականգնումից հետա բնակիչները գերադասում են Նոր տարին դիմավորել տանը»,- նշված է ՌԴ ՊՆ հաղորդագրության մեջ։ Մինչև հիմա Արցախ է վերադարձել ավելի քան 47,000 տեղահանված։

Հունվարի 1-ի ընթացքում, ըստ աղբյուրի, նախկին բնակության վայր է վերադարձել 220 արցախցի։ Նոյեմբերի 14-ից մինչև հիմա Արցախ է վերադարձել 46 998 մարդ։

Ռուս խաղաղապահ զորախմբի մասնագետները շարունակել են նաև Արցախի տարածքի ականազերծումը։

Նոյեմբերի 23-ից մինչև հիմա չպայթած զինամթերից մաքրվել է 405,3 հա տարածք, 160,3 կմ ճանապարհ, 617 շենք և տուն, այդ թվում՝ 22 սոցիալական նշանակության շինություն, հայտնաբերվել և վնասազերծվել է 17,215 պայթյունավտանգ առարկա։

Անհետ կորածների մասին տեղեկություններ հավաքելու նպատակով ստեղծված թեժ գծին ստացվել է 554 դիմում։

Բոլոր միջոցառումներն անցկացվում են կորոնավիրուսի տարածումը կանխարգելող միջոցառումների և կանոնների պահպանմամբ։

Loading

Մի մոռացեք կիսվել Ձեր ընկերների հետ