Քանի երեխա է այս տարի ծնվել Շիրակի մարզում

Տարվա ամփոփների շարքում դրական ցուցանիշի սպասումները միշտ ծնելիությունից են։ Այդպես էր նաև այս տարի, բայց տարեվերջյան տվյալները այլ բան են փաստում։Շիրակի մարզի 6 ծննդատներում ծնվել է 2686 երեխա՝ 13-ով պակաս 2019 թվականից: Մի քանի տարի է նվազման տենդենցը մարզում շարունակվում է։

Աղջիկ թե տղա…սեռով պայմանավորված ծնունդների պլանավորման կարծրատիպը հայկական իրականությունում դեռ չի կոտրվում։ Շիրակի մարզում ամեն տարի ոչ միայն ծնելիության թիվն է նվազում, այլև աղջիկ երեխաների ծնունդն է պակասում: Բոլոր ծննդատներում տարվա վերջին ամփոփված թվերով պատկերը նույնն է՝ տղա երեխաներ ավելի շատ են ծնվել։

Ընդհանուր վիճակագրությունն է  փաստում է, որ դեռ 2-ից ավելի երեխաներ ունենալու ցանկությունը ընտանիքներում մեծ չէ, բժիշկ -մասնագետները շեշտում են ՝ծնելիության  ցուցանիշը երկրում դրական աճ կարող է ունենալ, երբ 3 և ավելի երեխա ունեցող ընտանիքները շատանան։Օրինաչափորեն է նաև այն, որ աղետներից ու պատերազմներից հետո կյանքի շարունակության իմաստն ու խորհուրդը երեխաների  ծնունդով է լինում։ Այդպես էր 88-ի երկրաշարժից , 90-ականների Արցախյան պատերազմից հետո, երբ Հայաստանում ծնելիության աննախադեպ աճ է գրանցվել ։Մասնագետները  այդպիսի պատկեր կանխատեսում են նաև 2021 -ին։

Մարզի ծննդատներում այս տարի  նաև  արցախցի երեխաներ ծնվեցին։Պատերազմն այդպես էր կանխորոշել։Ընտանիքները ապաստան գտան Հայաստանի տարբեր բնակավայրերում,լույս աշխարհ եկան տարբեր ծննդատներում ,բայց միևնույն է նրանց բնակության վայրը Արցախն է։ Իսկ արցախցիների ընտանիքներում ծնվում են  5-րդ, 6-րդ երեխաները:

աղբյուրը՝ ShantNews

Loading

Մի մոռացեք կիսվել Ձեր ընկերների հետ