Ռոսպոտրեբնադզորի համաճարակաբանության կենտրոնական հետազոտական ինստիտուտի փոխտնօրեն Ալեքսանդր Գորելովը ասաց, թե որ դեպքերում է անհրաժեշտ փողոցում դիմակ կրել: Նրա խոսքերը մեջբերում է «ՌԻԱ Նովոստին»:
Նրա խոսքով՝ փողոցում դիմակ պետք է կրել միայն այն ժամանակ, երբ մասնակցում ես հասարակական միջոցառումների կամ բազմության մեջ ես:
«Դա պարտադիր է ոչ միայն ներսում և տրանսպորտում, այլև փողոցում հասարակական միջոցառումների ժամանակ: Ընդգծեմ՝ զանգվածային միջոցառումներին՝ մարդկանց հոծ բազմության մեջ: Այլ դեպքերում փողոցում դիմակ պետք չէ», – ասաց մասնագետը:
Գորելովը հիշեց, որ դիմակ կրելը մնում է կորոնավիրուսի դեմ պայքարի հիմնական կանոնը:
