Ռազմական փորձագետ Աշոտ Ասատրյանը ֆեյսբուքյան կիր էջում գրել է․
Օտարերկրացի պաշտոնյայի մոտ Փաշինյանին վախկոտ անվանողը իրավունք չունի Քոչարյանին հերոս կոչելու:
Գրածս վերաբերվում է կոնկրետ պետական մտածողություն չունեցող անձանց, ովքեր այլ երկրի ներկայացուցչի մոտ փորձում են վիրավորել պետության ղեկավարին ու այդ ամենի հետ զուգահեռ նախկին ղեկավարին հերոսացնում են:
Ու ընդհանրապես կապ չունի, լինի դա Փաշինյանը, Սարգսյանը, Քոչարյանը, թե Տեր-Պետրոսյանը այս անձիք լինելով նախկին և ներկա ղեկավարներ իրենցից ներկայացնում են պետություն, որը ունի խնդիրներ, սակայն կարիք չկա, որպեսզի դա ներկայացվի ինչ-որ երկրորդ կամ երրորդ անձանց մոտ:
Կա՞ ներքին հակասություն, կա՞ բողոք, խնդրեմ ամսվա մնացած օրերը ձեզ ղուրբան, բողոքեք ու հայհոյեք որքան կցանկանաք, սակայն գիտակցեք, որ մեկ այլ պետության ներկայացուցչի մոտ դա անելը անիմաստ ու սխալ քայլ է:
Չէ եղբայր, եթե դու օտարի մոտ քո պետության ներկայացուցչին վախկոտ ես անվանում, ապա իրավունք չունես մեկ ուրիշին այդ պետության հերոսը կոչելու, քանի որ առաջին քայլովդ արդեն ոտնահարել ես պետության այդ գաղափարը:
