Գաղտնիք չէ, որ սահմանին սադրանքներ հրահրելու նպատակով ադրբեջանական կողմը բազմիցս դիմել է և դիմում է տարատեսական տեղեկատվական կեղծիքների՝ շատ ժամանակ փորձելով արդարացնել իր գործողությունները։ Ու եթե ադրբեջանական կողմի համար տեղեկատվական կեղծիքները փոքր ի շատե ընկալելի են, որովհետև հակառակորդ են, ապա հայկական կողմից հնչող ստերը ոչ մի տրամաբանության մեջ չեն տեղավորվում։
Պատասխանատվությունից ու բազմաթիվ քրեական գործերից Հայաստանից փախած Վարդան Ղուկասյանը միացել է ադրբեջանական քարոզչությանը, սուտ լուրեր է տարածում, թե 3-րդ բանակային կորպուսին հրամայված է ադրբեջանական կողմի հարձակման դեպքում չկրակել։
3-րդ բանակային կորպուսի մեր աղբյուրները հայտնում են, որ չկրակելու, հարձակման պարագայում նահանջելու, դիմադրություն ցույց չտալու մասին լուրերը բացահայտ կեղծիք են, զինված ուժերին հրամայված է կատարել իրենց առջև դրված խնդիրը՝ պաշտպանել ՀՀ ինքնիշխան տարածքը:
