Կարծես գնալով ավելի են հաստատվում այն պնդումները, որ Բագրատ արքեպիսկոպոս Գալստանյանի վրա «քաղաքական հաշվարկ» իրականացողը Ռոբերտ Քոչարյանն է:
Երեկ հիշեցրել էինք, որ Քոչարյանը, 2022 թվականին տված իր հարցազրույցներից մեկում խոսելով նախագահի թեկնածու առաջադրելու մասին, հայտարարել էր, որ իր համար լավագույնը Հայ առաքելական եկեղեցու որևէ սրբազանի տարբերակն է:
Քոչարյանը շեշտել էր, թե սա նաև առաջարկ է, որի շուրջ կարելի է պայմանավորվել:
Նույն թվականին Բագրատ արքեպիսկոպոս Գալստանյանը ելույթ էր ունեցել Ռոբերտ Քոչարյանի գլխավորած ուժի հանրահավաքին՝ դրա ժամանակ ասելով այն թեզերը, որոնք ասում է այս օրերին:
Մասնավորապես, որ «տաճարը հաղթելու է փողոցին, ոգին հաղթելու է դուխին, հաշտությունն ու սերը հաղթելու են ատելությանը և թշնամությանը»:
Արդյո՞ք Քոչարյանի այդ հայտարարությունը և Բագրատ արքեպիսկոպոս Գալստանյանի ելույթը նրա հանրահավաքին պատահական էին, թե՞ ի սկզբանե արդեն իսկ ակնարկվում էր, որ Բագրատ արքեպիսկոպոսը մտնելու է քաղաքականություն, և կա նման պայմանավորվածություն:
