Ռուսական «Матч ТВ» մարզական հեռուստաալիքի գլխավոր պրոդյուսեր, հայկական և վրացական արմատներով հայտնի հաղորդավարուհի Թինա Կանդելակին Instagram-ի իր էջի «սթորի» բաժնում հրապարակել է տեսանյութ, որում նա հայերենով դիմում է սպա կենտրոնը վերանորոգող հայ վարպետներին:
«Բարև ձեզ: Կրկին հայե՞րն են վերանորոգում: Ինչո՞ւ են ամեն անգամ հայերը վերանորոգում: Իսկ վրացիները, ինչ է, չե՞ն կարող»,- հարցրել է Կանդելակին:
Սպա կենտրոնի տնօրենը պատասխանել է, որ վրացիները կարողանում են լավ երգել ու խմել:
Ավելի վաղ Կանդելակին Դավոսում Համաշխարհային տնտեսական ֆորումի շրջանակում հանդիպել էր ՀՀ վարչապետ Նիկոլ Փաշինյանին և հայերեն խոսել նրա հետ:
«Բարև Ձեզ, լավ լինեք, սաղ լինեք, Դուք գիտե՞ք, որ իմ մաման հայ է», — ասել էր Կանդելակին հայերեն:
ՀՀ վարչապետը ժպտալով պատասխանել էր նախ հայերեն, իսկ հետո անգլերեն՝ նշելով, որ այդ մասին Հայաստանում գիտեն բոլորը:
