Վրաստանի Ռաչայի շրջանում տեղի ունեցած ողբերգական աղետի հետևանքով ներկա պահին պաշտոնապես հրապարակված զոհերի թվում ՀՀ քաղաքացիներ չկան:
Հիշեցնենք՝ Վրաստանի Շովի հանգստավայրում երեկ՝ օգոստոսի 3-ին, սողանքի հետևանքով «Սանսեթ Շովի» հյուրանոցի տարածքում հողի տակ էր հայտնվել 16 մարդ, այդ թվում՝ 6 երեխա։
Արտակարգ պատահարի հետևանքով զոհերի թիվը հասել է 7-ի։ 30-ից ավելի մարդ անհետ կորած է համարվում: Աղետի գոտում հայտնված ավելի քան 200 մարդ տարհանվել է: Մի շարք կամուրջներ և ճանապարհներ անցել են ջրի տակ: