Կարմիր խաչի միջազգային կոմիտեի առաքելությունը խիստ մարդասիրական է և գործում է կողմերի համաձայնությամբ։ Այդ մասին Թվիթերի իր միկրոբլոգում գրել է Ադրբեջանում Ֆրանսիայի դեսպան Անն Բուայոնը՝ մեկնաբանելով ԿԽՄԿ-ի հաղորդագրությունն այն մասին, որ նախօրեին Լաչինի միջանցքով 15 բուժառուի տեղափոխման ժամանակ մեկ հիվանդ ձերբակալվել է։
«Կարևոր է, որ առաքելությունը կարողանա գործել անվտանգ և կանխատեսելի ձևով»,- նշել է նա:
