Քաղաքագետ Մովսես Հարությունյանը գրել է.
Մինչև վերջ սպասում էի, որ Հենրիկ Մխիթարյանը հանդես կգա մեր ազգային հավաքականին, իր խաղընկերներին սատարող ինչ-որ կոչով կամ գրառմամբ, բայց, ցավոք, անհույս լավատես էի…
Հիշեցնենք Եվրո-2024-ի ընտրական փուլի մեկնարկային խաղում Հայաստանի հավաքականը սեփական հարկի տակ ընդունել է Թուրքիայի թիմին և 1-2 հաշվով պարտություն կրել:
Խաղի արդեն 10-րդ րոպեին ինքնագոլի հեղինակ է դարձել «Հոֆենհայմի» պաշտպան Օզան Քաբակը՝ Կամո Հովհաննիսյանի փոխանցումի հետո գնդակն ուղարկելով սեփական դարպասը:
Թուրքիայի ընտրանու կազմում պատասխան գնդակը հեղինակեց Օրքուն Քյոքչուն՝ 35-րդ րոպեին տուգանայինի մատույցներից կատարած հարվածով գրավելով Արսեն Բեգլարյանի պաշտպանած դարպասը:
Երկրորդ կեսում արդեն հյուրերը ևս մեկ գոլ են խփել ու հաղթանակի հասել: Թուրքիայի հավաքականի ֆուտբոլիստ Քերեմ Աքթյուրքողլուն խաղի 65-րդ րոպեին գրավել է Արսեն Բեգլարյանի պաշտպանած դարպասը:Բաց թողած գոլից առաջ Հայաստանի հավաքականի ֆուտբոլիստները մի քանի իրական գոլային հնարավորություններ ունեին, սակայն ձեռքից բաց թողեցին դրանք:
Խաղն ավարտվեց՝ հօգուտ Թուրքիայի։
