17-ամյա իրանցի ցուցարար Սոնա Շարիֆին երկրի դատարանը մեղադրել է «Աստծո դեմ պատերազմ մղելու մեջ», գրում է Bild-ը։ Իշխանությունների տվյալներով՝ աղջկան նկատել են «Մոլոտովի կոկտեյլներ պատրաստելիս» և «գրաֆիտ նկարելիս»։
Այժմ Շարիֆիին մահապատիժ է սպառնում։ Մինչ դատավճռի հրապարակումը, աղջիկը գրեթե մեկ ամիս անցկացրել է բանտում։ Իրավապաշտպանների խոսքով՝ Սոնյան դաժան ծեծի է ենթարկվել կալանավորման ընթացքում։
15-ամյա Ամիր Հոսեյն Ռահիմին նույնպես սպասում է իր դատավճռին։ Ցույցը ցրելու ժամանակ դեռահասը վիրավորվել է ոստիկանների կողմից, սակայն նրա վերքից փամփուշտը մինչ օրս չի հեռացվել, ասում է մայրը։ Նրա խոսքով՝ Ամիրին բանտում խոշտանգում են։ Նրա ազատ արձակման համար Իրանի իշխանությունները գրավ են սահմանել մոտ 11,5 հազար եվրոյի չափով, սակայն ընտանիքը հնարավորություն չունի այդ գումարը հայթայթել։