Ռուսաստանի, Իրանի և Թուրքիայի նախագահները համատեղ հայտարարություն են ընդունել Սիրիայում տիրող իրավիճակի վերաբերյալ, ասել է Վլադիմիր Պուտինը։ Տեղեկանում եմք РИА Новости-ից։
«Ընդունված համատեղ հայտարարությունը վերահաստատել է Ռուսաստանի, Իրանի և Թուրքիայի միջև եռակողմ համագործակցության ամրապնդման հանձնառությունը՝ ի շահ Սիրիայի Արաբական Հանրապետությունում իրավիճակի կայուն և կենսունակ կարգավորմանը»,- ասել է նա։
Համատեղ փաստաթղթում նշվում է, որ սիրիական ճգնաժամը կարող է լուծվել միայն դիվանագիտական ճանապարհով։ Բացի այդ, երկրում ստեղծված իրավիճակը կարող են կարգավորել միայն իրենք՝ սիրիացիները՝ ՄԱԿ-ի Անվտանգության խորհրդի 2254 բանաձեւի հիման վրա։
«Աստանայի» բարձր մակարդակի բանակցությունների հաջորդ՝ 19-րդ փուլը կնշանակվի մինչև տարեվերջ, իսկ հաջորդ գագաթնաժողովը կանցկացվի Ռուսաստանում։ Մոսկվան, Անկարան և Թեհրանը վերանայել են վերջին հանդիպումից հետո տեղի ունեցած փոփոխությունները և ընդգծել՝ ձևաչափի արդիականությունը։
Ռուսաստանը, Իրանը և Թուրքիան նույնպես դատապարտել են Սիրիայի վրա շարունակվող հարձակումները, այդ թվում՝ քաղաքացիական օբյեկտների վրա և հաստատում են տարբեր անուններով գործող ահաբեկիչների դեմ պայքարելու իրենց մտադրությունը։
