Ամերիկյան «Ինստագրամ» սոցիալական ցանցի ղեկավար Ադամ Մոսերին հաստատել է, որ այն Ռուսաստանում կարգելափակվի երկուշաբթի՝ մարտի 14-ին։
Այս մասին գրում է ՏԱՍՍ-ը:
«Ինստագրամը երկուշաբթի կարգելափակվի Ռուսաստանում»,- ասել է Մոսերին՝ սխալ համարելով որոշումը։ Նրա կարծիքով՝ սոցցանցի արգելափակումը Ռուսաստանում 80 միլիոն օգտատերերի կզրկի ինչպես միմյանց, այնպես էլ աշխարհի հետ կապից։
Հիշեցնենք, Ռոսկոմնադզորը երեկ՝ մարտի 11-ին, որոշել է սահմանափակել մուտքը «Ինստագրամ» սոցիալական ցանց՝ կապված ռուսների, այդ թվում՝ զինվորականների նկատմամբ բռնի գործողություններ կատարելու կոչերի տարածման հետ։