Արևելյան հորոսկոպով 2022 թվականը սև Վագրի տարի է, որը սկսվում է 2022 թվականի փետրվարի 1-ից եւ շարունակվելու է
մինչեւ 2023 թվականի հունվարի 21-ը: Գիշատչի տարին հաջողություններ կբերի միայն նպատակասլացներին, համարձակներին եւ վճռականներին: Այս տարին կդառնա կտրուկ փոփոխությունների, որոշումների համար, որոնք կազդեն ապագայի վրա:
Առնետ
Առնետի տարում ծնվածների համար Վագրի տարին հաջող է լինելու գործնական առումով: Կարելի է սպասել առաջխաղացում կարիերայի հարցում: 2022 թվականին նաեւ հնարավորություն կստեղծվի նոր պրոֆեսիոնալ հմտություններ, հետաքրքիր եւ արդյունավետ ծանոթություններ ձեռք բերել, որոնք հետագայում կկարողանաք կիրառել: Հնարավոր է նաեւ աշխատավայրի փոփոխություն: Երկրորդ կեսի եւ մտերիմների հետ հարաբերությունների առումով եւս հաջող տարի է լինելու: Կարևորն այն է, որ որքան հնարավոր է երկար ժամանակ անցկացնեք ձեր հարազատների հետ: Առողջությունը եւս ամուր կլինի, խուսափեք միայն մրսելուց:
Ցուլեր
Արեւելյան օրացույցով Ցուլն աշխատասեր կենդանիներից է: Եվ Վագրի տարում եւս նրանք պետք է շատ աշխատեն: Բայց հատկապես 2022 թվականին պետք է ուշադրություն դարձնել նաեւ աշխատաժամանակին եւ հանգստին, որպեսզի ընտանիքի հետ հարաբերությունները չփչանան այդ պատճառով: Ձեզ վրա մի վերցրեք այնպիսի խնդիրներ, որոնք չեք կարող կատարել: Բացի այդ, ղեկավարությունը եւս հավուր պատշաճի չի գնահատի ձեր ջանքերը: Ընտանիքում հանգստություն կտիրի: Միայնակ Ցուլերի համար տարին հետաքրքիր ծանոթություններ է հուշում, որոնք հետագայում բերելու են լուրջ հարաբերությունների եւ ամուսնության:
Վագրեր
Բնականաբար Վագրի տարին չի կարող վատը լինել հենց Վագրի տարում ծնվածների համար: Վագրերին հաջողություն է սպասվում բոլոր ոլորտներում, հատկապես՝ կարիերայում եւ ֆինանսական առումով: Պետք է սպասել միայն դրական փոփոխությունների: Հենց 2022 թվականին տեղի կունենա այնպիսի փոփոխություն, որը որոշակի ազդեցություն կունենա Ձեր հետագա կյանքի համար: Տարին անսահման հաջողություններ կբերի, վայելե՛ք այն:
Ճագար (Կատու)
Ճագարի տարում ծնվածների համար 2022 թվականը փորձությունների տարի կլինի: Վագրը Ճագարի տարում ծնվածների համար մի քանի փորձություններ է նախապատրաստել: Փորձություններն այնքան շատ են լինելու, որ նույնիսկ հնարավոր է նյարդային լարումներ ունենալ: Հիշեք այդ մասին եւ բոլոր անհաջողություններին հանգիստ վերաբերվեք: Հաշվարկեք ձեր յուրաքանչյուր քայլը, մի վերցրեք կրեդիտներ եւ մեծ գումարներ մի դրեք շինարարության մեջ: Հարաբերություններում եւս ամեն ինչ հարթ չի լինի. հին հարաբերությունները կարող են քանդվել, իսկ նորերն էլ ամուր չեն լինի: 2022 թվականին հիանալի է լինելու միայն առողջական վիճակը: Չեր օրգանիզմը չի հիասթափեցնի Ձեզ:
Վիշապներ
Վիշապների համար գումար աշխատելու տարի է լինելու: Գումար աշխատելու հնարավորությունները բազմաթիվ են լինելու, մնում է ընտրել ամենալավը: Ընդ որում, ավելի հաջողված կլինի աշխատանքը կատարել ոչ թե միայնակ, այլ խմբով: Սակայն հիշեք՝ ամբողջ գումարները չեք կարող վաստակել եւ մի նեղացրեք ձեր ընտանիքին եւ անձամբ ձեզ: Շատ աշխատելուց առողջությունը երկրորդ պլան է մղվելու, սակայն պետք է դրան ուշադրություն դարձնեք, որպեսզի անհրաժեշտություն չառաջանա այդ գումարները ծախսել դեղերի վրա: Եվ անպայման Ձեր ժամանակը հատկացրեք նաեւ ընտանիքին եւ մտերիմներին:
Օձեր
Եթե Օձերը ցանկանում են արդյունքի հասնել, պետք է շատ էներգիա եւ ուժ ծախսեն: Սա այն տարին է, երբ ռիսկի կդիմեք, սակայն այն կբերի կորուստների: Խուսափեք չմտածված ծախսերից: Օձի տարում ծնվածների համար առողջական վիճակը շատ լավ է լինելու, ինչպես նաեւ հարաբերությունները: Այս նշանի ծնվածները կարող են հանդիպել իրենց երկրորդ կեսին, ընդ որում՝ շատ մարդաշատ վայրերում, օրինակ սրճարաններում կամ աշխատավայր մեկնելուց:
Ձիեր
Ձիերի համար Վագրի տարին այնքան էլ հաջողված չի լինելու: Գլոբալ փոփոխություններ չեն լինելու: Սակայն փոքր անհաջողությունների շղփան կարող է հանել հավասարակշռությունից: Մտածված ծրագրերի ճանապարհին անընդհատ կհանդիպեք խոչընդոտների, այնպես որ դրանք իրագործել չեք կարողանա: Աշխատավայրում կունենաք անհամաձայնություններ ղեկավարության հետ: Որպեսզի նյարդային լարումներից խուսափեք, մի վիճեք եւ մի վհատվեք: Միայն վստահ անցեք այդ շրջանը: Սակայն արդեն տարվա վերջում ամեն ինչ կկարգավորվի: Միայնակները կրկին կսկսեն հանդիպել հետաքրքիր մարդկանց, աշխատավայրում իրավիճակը կկարգավորվի, իսկ այդ հարմոնիայի ֆոնին նաեւ առողջությունը կվերականգնվի:
Այծեր
2022 թվականն Այծերի համար անկումներով լի է լինելու: Մի սպասեք կայունության նաեւ ֆինանսական առումով: Նույնիսկ հնարավոր է ստիպված լինեք փոխել Ձեր աշխատանքի վայրը: Սակայն պետք չէ կորցնել հավատը կամ ագրեսիա ցուցաբերել: Ձեզ կօգնի մտերիմների օգնությունը: Հուսախափ չի անի նաեւ առողջությունը:
Կապիկներ
Կապիկի տարում ծնվածների համար Վագրի տարին բազմազան է լինելու: Մի կողմից կարիերայում գործերն այնքան էլ հաջող չեն լինի եւ բոլոր ջանքերը կգնան այդ ուղղությամբ: Միայն տարվա վերջում ամեն ինչ կկարգավորվի, ֆինանսական վիճակը կկայունանա: Շատ հաջող է լինելու անձնական կյանքը. միայնակ կապիկները կհանդիպեն իրենց երկրորդ կեսին: Եթե ընտրությունը ճիշտ արվի, ապա հարաբերությունները երկար տարիներ կձգվեն:
Աքաղաղներ
Կարիերայում 2022 թվականը միայն սպիտակ գծի ժամանակաշրջան է լինելու: Հաջող է ստացվելու ամեն ինչ: Մտածվածը հաջողությամբ իրականացվելու է: Վագրի տարում կարող եք վստահաբար վերցնել ղեկավարության բոլոր հանձնարարությունները եւ կատարելով դրանք, կբարձրանաք կարիերայի աստիճանով: Խնայեք Ձեզ, հանգստացեք, քնեք եւ մի աշխատեք հանգստյան օրերին:
Շներ
Թե արդյոք տարին հաջողված կլինի Շան տարում ծնվածների համար, կախված է հենց նրանից: Եթե ցանկանում եք հաջողակ կյանք, ապա նախաձեռնողականությունը Ձեր ձեռքը վերցրեք: Միայն հստակ քայլերը կբերեն հաջողության: Եթե ցանկանում եք հաջողություններ նաեւ ֆինանասական կյանքում, ապա բազմաթիվ առաջարկներից ընտրեք միայն նրանք, որոնք ամենալավն են երևում: Դրանք կբերեն ցանկալի արդյունքի: Վագրի տարում Շները պետք է մտածեն իրենց առողջության մասին: Գեղեցիկ կազմվածք ունենալու համար չվնասեք օրգանիզմը:
Վարազներ
Աշխատասիրությունն եւ նպատակասլացությունը կարևոր դեռ կխաղան Վարազների համար հաջորդ տարի: Տարին շատ հաջող է լինելու, հատկապես կարիերայի եւ ֆինանսների համար: Անձնական կյանքում եւս հանգստություն կլինի: Եթե դուք հարաբերությունների մեջ եք, ապա ավելի հաճախ երջանկացրեք ձեր կողակցին անակնկալներով, ծաղիկներով, կինո այցելություններով: Այդ ամենը միայն ամրացնում է միությունը: Միայնակ Վարազները կհանդիպեն նրանց, ում հետ հիմք կդնեն ամուր ընտանիքի:
