Վիկտոր Պեստերնիկովը, ով խոստովանել էր երկու տասնամյա աղջիկներին բռնաբարելու և խեղդամահ անելու մասին, ձերբակալման ժամանակ հերքել է նախնական խոստովանություն: Նա ասել է, թե խանութից աղջիկների համար զովացուցիչ ըմպելիք և արևածաղկի սերմեր գնելուց հետո ամեն մեկը գնացել է իր ճամփով` բաժանվել են:
Ինչպես արդեն հայտնել էինք` Կիսելևսկում երեկ` սեպտեմբերի 6-ին երկու տասնամյա աղջիկներ առավոտյան տանից դուրս են եկել դպրոց գնալու նպատակով, բայց այդպես էլ տուն չեն վերադարձել:
Անվտանգության տեսախցիկները վերջին անգամ աղջիկներին ֆիքսել են խանութում` մի կասկածելի տղամարդու հետ, ով քաղցրավենիք էր գնում երեխաների համար:
Պարզվել է անհայտ տղամարդու ինքնությունը. նա 41-ամյա Վիկտոր Պեստերնիկովն է, ով նախկինում պատիժ է կրել «Սեռական բնույթի բռնի գործողություններ» հոդվածով: Ազատ է արձակվել երկու տարի առաջ: Վիկտոր Պեստերնիկովը խոստովանել էր, որ բռնաբարել է երկու տասնամյա աղջիկների և խեղդամահ արել նրանց: Երեխաների մարմինները հայտնաբերվել են:
Ձերբակալվածն ինքն է ցույց տվել սպանության վայրը: Նրան տանում են հարցաքննության:
