Էրիկ Կարապետյան — հայ փոփ երգիչ։ 2011 թվականին ներկայացրել է Հայաստանը Նոր Ալիք մրցույթում և գրավել է 5-րդ հորիզոնականը։Էրիկը ծնվել է 1988 թ. հունիսի 5-ին, Թբիլիսիում։
2006-10 թթ աշխատել է պրոդյուսեր Զարուհի Պետրոսյանի հետ։ 2006 թ. «Ընծա» համահայկական երաժշտական մրցույթ-փառատոնի ժամանակ արժանացել է 1-ին մրցանակի։
2007 թ. «Դիսքավրի» միջազգային երաժշտական մրցույթի ժամանակ դարձել է հաղթող։ 2011 թ. ներկայացրել է Հայաստանը Յուրմալայի «Նոր ալիք» միջազգայն երաժշտական մրցույթ-փառատոնում և արժանացել «Հանդիսատեսի համակրանք» մրցանակին։
2012 թ. Հայաստանի Ազգային երաժշտական մրցանակաբաշխության ժամանակ արժանացել է «Տարվա լավագույն երգիչ» մրցանակին։ Թողարկել է 1 ձայնասկավառակ, նկարահանել է 18 տեսահոլովակ։
