Նիկոլ Փաշինյանն անդրադարձավ «Արարատցեմենտ» գործարանի շուրջ ստեղծված իրավիճակին՝ քննադատելով ձեռնարկության կառավարման և արտադրական պայմանների վերաբերյալ առկա խնդիրները։
«Ցնցված եմ, որ լուրերով նայում եմ «Արարատ ցեմենտի» շուրջ տեղի ունեցող գործընթացները։ Լուրերով նայում եմ, վերևից կադրեր են ցույց տալիս՝ «Արարատցեմենտ» գործարանը։ Դա 21-րդ դարի գործարան չէ, դա ավար է ընդամենը, թալանի օբյեկտ է։
Դուք տեսե՞լ եք այդ կադրերը։ Միլիարդներ են աշխատել, միլիարդներ են տարել։ Ես եմ երկու տարի առաջ, երբ դրոնից կադրեր չունեի, այդ գործարանի մոտով անցնելիս պարոն Ծառուկյանին մի առիթով ասել եմ՝ ամոթ է, գոնե մուտքը այդ ի՞նչ վիճակում է, ոնց որ գոմ լինի։ Միլիարդների շրջանառություն ունեցող գործարանի դեպքում գոնե կարող եք այդ մուտքի հատվածում երկու կոպեկ գումար ծախսել, մի քիչ կարգի բերել։
Մուտքի հատվածը գնացեք նայեք, վերևից կերևա:
