Ֆրանսիայի նախագահ Էմանուել Մակրոնը հայերեն գրառում է կատարել «Ինստագրամ»-ի էջում` ՀՀ վարչապետ Նիկոլ Փաշինյանի հետ հեռախոսազրույցից հետո։
«Զրուցել եմ Նիկոլ Փաշինյանի հետ՝ վերահաստատելու Ֆրանսիայի աջակցությունը ՀՀ ինքնիշխանությանը, ինչպես նաև տնտեսական և ժողովրդավարական բարեփոխումների շարունակական իրականացմանը։
Հանգամանորեն քննարկել ենք մայիսին կնքված մեր երկկողմ ռազմավարական գործընկերության իրականացման ընթացքը։
Ես վերահաստատել եմ Ֆրանսիայի աջակցությունը Հայաստանի եւ Ադրբեջանի միջեւ խաղաղության գործընթացին, որը պետք է շարունակի շոշափելի արդյունքներ ապահովել` ի շահ տարածաշրջանի ժողովուրդների
Ես նաեւ վերահաստատել եմ Ֆրանսիայի աջակցությունը Հայաստանի կողմից ընտրված` ԵՄ-ի հետ մերձեցման գործընթացին»,- գրել է նա:
