Հունիսի 21-ից ի վեր Եվրոպայում գրանցվել է բարձր ջերմաստիճանների հետևանքով մահացությունների ավելի քան 1,300 դեպք։ Այս մասին հայտնել է World Health Organization գլխավոր տնօրենը։
Նրա խոսքով՝ ներկայումս մոտ 150 միլիոն մարդ տառապում է ծայրահեղ շոգից, որը բազմաթիվ երկրներում դարձել է առողջապահական և սոցիալական լուրջ խնդիր։
«Հարյուրավոր մարդիկ մահացել են, դպրոցները փակ են, իսկ էներգահամակարգերը աշխատում են հնարավորությունների սահմանագծին», — նշել է ԱՀԿ ղեկավարը։
Մասնագետների գնահատմամբ՝ Եվրոպայի մի շարք երկրներում ջերմաստիճանը վերջին օրերին հասել է մոտ 35–40°C, իսկ որոշ հարավային շրջաններում՝ նույնիսկ 40°C-ից բարձր մակարդակի։
Ամենածանր իրավիճակը արձանագրվել է Իսպանիայում, Իտալիայում, Հունաստանում, Պորտուգալիայում և Ֆրանսիայի հարավային շրջաններում, որտեղ շոգի հետ մեկտեղ ավելացել են նաև առողջական բարդություններն ու էներգետիկ ծանրաբեռնվածությունը։
