Գյումրի-Մոսկվա չվերթի ինքնաթիռի արտակարգ վայրէջքի պատճառը եղել է ապահերմետիկացման սենսորի սխալ գործարկումը:
Այս մասին հաղորդագրություն է հրապարակել ՌԴ Քննչական կոմիտեն՝ նշելով, որ հենց այդ պատճառով որոշում է կայացվել Մախաչկալայի օդանավակայանում արտակարգ վայրէջք կատարելու մասին:
«Պոբեդա» ավիաընկերության տվյալներով՝ օդանավում եղել է 186 մարդ, նրանց պլանավորվում է տեղափոխել մեկ այլ ինքնաթիռ և շարունակել թռիչքը Մոսկվա։
Ավելի վաղ հայտնել էինք, որ «Պոբեդա» ավիաընկերության ինքնաթիռը բարեհաջող վայրէջք էր կատարել Մախաչկալայի օդանավակայանում:
Հիշեցնենք՝ Գյումրիից Մոսկվա թռչող ինքնաթիռը աղետի ազդանշան էր տվել և սկսել էր վայրէջք կատարել։
Boeing 737-800 ինքնաթիռից փոխանցվել է 7700 արտակարգ կոդը, երբ այն գտնվել է Դաղստանի երկնքում։
