ՀՀ կառավարության 2026 թվականի հունիսի 11-ի N 821-Ն որոշմամբ 2018 թվականի օգոստոսի 30-ի N 954-Ն որոշման մեջ կատարվել են փոփոխություն և լրացումներ՝ ներառյալ դասարանների կազմի նվազեցումը։
Ինչպես տեղեկացնում է Iravaban.net (https://iravaban.net/)-ը, որոշմամբ սահմանվում է, որ դասարաններում սովորողների առավելագույն թիվը կնվազի, իսկ կարգը կներդրվի փուլային եղանակով։
Քանի՞ սովորող կլինի մեկ դասարանում
Որոշումը լրացվել է նոր՝ 1.1-ին կետով, ըստ որի՝ դասարանների կազմավորման փոփոխությունը ներդրվում է 2027 թվականի սեպտեմբերի 1-ից՝ առաջին դասարաններում, յուրաքանչյուր դասարանում սահմանելով առավելագույնը 26, իսկ անհնարինության դեպքում՝ մինչև 30 սովորող։
Փոփոխությունն իրականացվելու է փուլային եղանակով՝ յուրաքանչյուր հաջորդ ուսումնական տարում նվազեցված կազմով ձևավորված դասարանների՝ հաջորդ դասարան փոխադրմամբ։
