ՀՀ վարչապետի աշխատակազմի ղեկավար Արայիկ Հարությունյանը սոցցանցի իր էջում տեսանյութ է հրապարակել՝ տեղեկացնելով, որ սկսվել է ապատեղեկատվության մեծ հոսք։
Հարությունյանն անդրադարձել է ըստ իր խոսքի պարտվող ԲՀԿ-ի քարոզարշավի ժամանակ տեղի ունեցած միջադեպին, նրանց կողմից բարձրաձայնվող ընտրակեղծիքների մասին կեղծ տեղեկատվությանը, հանրահավաքին ստիպողաբար ուսուցիչների մասնակցություն ապահովելու, վարչական ռեսուրսի կիրառման վերաբերյալ ապատեղեկատվության մասին։
«Մնաց երեք օր, և նրանք կլռեն։ Լավ եղեք, դուխով»,- տեսանյութում ասել է Հարությունյանը։
