Դատախազը 2026 թվականի հունիսի 3-ին, հաստատված մեղադրական եզրակացությամբ, իրավասու դատարան է հանձնել ՀՀ Զինված ուժերի գլխավոր շտաբի պետի նախկին առաջին տեղակալ Տիրան Խաչատրյանի վերաբերյալ քրեական վարույթը:
Այս մասին «Հայկական ժամանակ»-ին հայտնել են Գլխավոր դատախազությունից՝ նշելով, որ Տիրան Խաչատրյանի նկատմամբ հանրային քրեական հետապնդում էր հարուցվել Քրեական օրենսգրքի 297-րդ հոդվածի 1-ին մասով (խուլիգանություն): Որպես խափանման միջոց է ընտրվել բացակայելու արգելքը:
