«Հունիսի 2-ից սահմանափակվել է Հայաստանից կորիզավոր մրգերի և խաղողի ներմուծումը»,- հայտնում են Ռուսաստանից։
Այսպիսով ժամանակավոր սահմանափակումներ կմտցվեն Հայաստանից ծագող և այնտեղից առաքվող կորիզավոր մրգերի և թարմ խաղողի ներմուծման, ինչպես նաև այդ ապրանքների՝ ԵԱՏՄ անդամ պետություններ տարանցման վրա։
Այդ ֆոնին վարչապետ Նիկոլ Փաշինյանը հայտարարել է, որ արտահանման անարդար խոչընդոտների դեպքում Կառավարությունը սուբսիդավորման և աջակցության ծրագրեր կիրականացնի, իսկ վնասներ կրած արտադրողներին կօգնի նոր շուկաներ գտնել. «Բիբար, վարդ է փչանում, դրա փողը Կառավարությունը կտա։ Արդեն կոնկրետ առաջարկներ ունենք վարդերի, միրգ-բանջարեղենի գնման հետ»,- նշել է վարչապետը։
էկոնոմիկայի նախարարությունն էլ Կառավարությանը ներկայացրել է աջակցության ծրագիր, որպեսզի հայ տնտեսվարողները կարողանան իրենց արտադրանքը դեպի Եվրամիության շուկա արտահանել։
