Ֆրանսիայի նախագահ Էմանուել Մակրոնը հայտնել է Իրանի նախագահ Մասուդ Փեզեշքիանի հետ հեռախոսազրույցի մասին։
Ֆրանսիայի առաջնորդը այս մասին գրել է X սոցիալական մեդիա հարթակում։
Մակրոնը նշել է, որ զրույցի ընթացքում լուրջ մտահոգություն է հայտնել տարածաշրջանում աճող լարվածության վերաբերյալ և դատապարտել է ԱՄԷ-ում քաղաքացիական ենթակառուցվածքների, ինչպես նաև մի քանի նավերի վրա հարձակումները։
«Բոլոր կողմերը պետք է առանց ուշացման կամ նախապայմանի վերացնեն Հորմուզի նեղուցի շրջափակումը։ Անհրաժեշտ է երկարաժամկետ հիմունքներով վերականգնել հակամարտությունից առաջ գոյություն ունեցող նավարկության լիակատար ազատությունը»,- ընդգծել է Մակրոնը։
