«2025 թվականի դեկտեմբերի աշխատատեղերի թիվը 822 հազար 662 է, 2018 թվականի ապրիլի թվից տարբերությունը 281 հազար 234 է, այսինքն՝ մենք հեղափոխությունից մինչ օրս մոտ 300 հազար աշխատատեղ ենք ստեղծել: Եթե ոմանք խոստանում են 300 հազար աշխատատեղ, մենք դա արել ենք»,- ոլորտի բարեփոխումների վերաբերյալ քննարկման ժամանակ ասաց Աշխատանքի և սոցիալական հարցերի նախարար Արսեն Թորոսյանը:
Անդրադառնալով միջին աշխատավարձին՝ նախարարը նշեց. «Միջին աշխատավարձը, որ ունենք ամեն ամսվա համար՝ 401 հազար է եղել դեկտեմբերի տվյալներով, եթե համեմատեմ նոյեմբերի հետ՝ 327 հազար է միջին աշխատավարձը, համեմատեմ 2018 թվականի ապրիլի հետ՝ 173 հազար է եղել: Նոյեմբերին ունեցել ենք մինչև 150 հազար դրամ աշխատավարձ ստացողների մասով անկում, բայց ընդհանուր աճ, որը եղել է 150-500 հազար ստացողների շրջանում: Աշխատողն ինքը պետք է պահանջի, որ իր աշխատավարձը ճիշտ գրվի»:
