![]()
Քաղաքագետ Ստյոպա Սաֆարյանը սոցցանցի իր էջում անդրադարձել է ՀՀ գլխավոր դատախազի՝ ԱԺ նախագահ Ալեն Սիմոնյանին ուղղված միջնորդագրին, որը վերաբերում է ՀՀ ԱԺ ութերորդ գումարման պատգամավոր Արթուր Լավրենտի Սարգսյանի նկատմամբ հանրային քրեական հետապնդում հարուցելուն համաձայնություն տալուն։
«Աժ կայքում տեղադրվել է ՀՀ գլխավոր դատախազի միջնորդությունը Հայաստան դաշինքի պատգամավոր Արթուր Սարգսյանին պատգամավորական անձեռնմխելիությունից զրկելու վերաբերյալ։ Միջնորդագրում ներառվել է գաղտնալսումներից հատված Հայաստանի ղեկավարությանը սպանելու թեմայով։ Ուղղակի նողկալի է։ Ափսոս է այս հողը, որի վրա նմանները քայլում են։
ՀԳ. Մի քանի տեղ էլ քնարկումներում մարդիկ գրել են՝ նախաքննական գաղտնիք չի՞: Բա իրավական պետություն չե՞նք: Ժողովուրդ ջան մեկ-մեկ ԱԺ կայք էլ մտեք…»,- գրել է Սաֆարյանը:
ՀՀ ԱԺ նախագահ Ալեն Սիմոնյանը սոցցանցի իր էջում հրապարակել է ՀՀ գլխավոր դատախազի՝ իրեն ուղղված միջնորդագիրը՝ ՀՀ ԱԺ ութերորդ գումարման պատգամավոր Արթուր Լավրենտի Սարգսյանի նկատմամբ հանրային քրեական հետապնդում հարուցելուն համաձայնություն տալու մասին։
Միջնորդագրին և դրանում ներկայացված փաստերին կարելի է ծանոթանալ հետևյալ հղումով։
Ավելի վաղ հայտնել էինք, որ ԱԺ «Հայաստան» խմբակցության պատգամավոր Արթուր Սարգսյանին պատգամավորական անձեռնմխելիությունից զրկելու հարցով գլխավոր դատախազ Աննա Վարդապետյանը կգնա Ազգային ժողով։
![]()