![]()
Ռուսաստանի զինված ուժերը հրթիռային հարվածներ են հասցրել Ուկրաինայի մայրաքաղաք Կիևի Հյուսիսային և Հարավային կամուրջներին։
Ուկրաինական լրատվամիջոցների տվյալներով՝ հարձակման ժամանակ օգտագործվել են «Իսկանդեր-Մ» բալիստիկ հրթիռներ և «Ցիրկոն» հիպերձայնային հրթիռներ։
Բացի այդ, հարվածներ են հասցվել Ուկրաինայի Չերկասի և Դնեպր քաղաքներին։
Զապորոժյեի մարզի վարչակազմի տվյալներով՝ հարձակումը հարվածել է տարածաշրջանի արդյունաբերական ենթակառուցվածքային օբյեկտին։
Պայթյուններ են լսվել նաև Պավլոգրադ և Սմիլա քաղաքներում։
Հարձակումներից հետո Կիևի որոշ շրջաններում էլեկտրաէներգիայի և ջրամատակարարման անջատումներ են տեղի ունեցել։
Ավերումների մասշտաբների կամ հնարավոր զոհերի մասին դեռևս տեղեկություններ չկան։
![]()