Վրաերթի հետևանքով 9-ամյա տղա է մահացել

Սյունիքի մարզում՝ Սառնակունք գյուղի ճանապարհին երեկ՝ մայիսի 30-ին, վրաերթի է ենթարկել 9-ամյա տղա, ով մահացել է։

Քննչական կոմիտեից Iravaban.net-ին հայտնեցին, որ դեպքի առթիվ նախաձեռնվել է քրեական վարույթ՝ Քրեական օրենսգրքի 342-րդ հոդվածի 2-րդ մասի հատկանիշներով (Ճանապարհային երթևեկության անվտանգության ապահովմանն ուղղված պահանջ կամ ճանապարհային երթևեկության կամ տրանսպորտային միջոցների շահագործման անվտանգությունն ապահովող կանոն խախտելը, որն անզգուշությամբ առաջացրել է մարդու մահ):

Վարորդը ձերբակալվել է: Նշանակվել է դիակի դատաբժշկական փորձաքննություն:

Loading

Մի մոռացեք կիսվել Ձեր ընկերների հետ