«Առավոտյան 7:14 րոպե ուժեղ պայթյունից արթնացանք, հարվածից ապակիներն են կոտրվել»,- պատմեց Երևանի Ռայնիսի փողոցի թիվ 3 հասցեում գտնվող շենքի բնակիչ Արշալույս Գեւորգյանը:
Ականատես բնակչի խոսքով՝ պայթյունի պատճառով վնասվածք ստացած բնակիչներ կան, որոնց տեղափոխել են այլ վայր: Փլատակից հանել են 2 հոգու: Երևանի Ռայնիսի փողոցի թիվ 3 հասցեում գտնվող շենքի պայթյուն է եղել, որի պատճառով 12 մարդ տուժել է:
Մեկ քաղաքացի փլատակների տակ է: Նրա որոնողական աշխատանքները շարունակվում են:
Ռայնիսի փողոցում շենքի փլուզումից տուժած բնակիչները կստանան անհրաժեշտ օգնություն, այս մասին ֆեյսբուքյան իր էջում հայտնել է Երևանի քաղաքապետը:
Քաղաքապետարանի համապատասխան ստորաբաժանումներին հանձնարարել եմ պայթյունից տուժած բնակիչներին ապահովել ժամանակավոր կացարաններով։ Մասնագետները կուսումնասիրեն մասնակի փլուզված շենքի սեյսմակայունության եւ դրա հիման վրա՝ հետագայում վերականգնման հարցը։
