Քիչ առաջ հայտնի դարձավ, որ Երևան-Սևան մայրուղին իրենց մեքենաներով փակած ձկնորսները դժգոհում են, որ իրենց արգելել են ձուկ որսալ:
Այդ մասին գրում է armlur.am -ը՝ նշելով, որ ականատեսների վկայությամբ՝ ձկնորսները բերել են նաև իրենց նավակները: Երևան-Սևան մայրուղու երթևեկությունը երկկողմանի կաթվածահար է եղել:
Բանն այն է, որ Նորատուս համայնքի ձկնորսները ձուկ էին որսացել Սևանա լճից եւ սառնարաններում պահեստավորել՝ դրանք արտահանելու և Հայաստանից դուրս վաճառելու նպատակով: Ինչպես նշում է աղբյուրը, այդ գործողությունների մասին տեղեկացել է Ազգային անվտանգության ծառայությունը, գնացել և կապարանակնքել է նրանց սառնարանները:
Սևանի մայրուղու վրա տիրող իրավիճակի վերաբերյալ տեսանյութեր է հրապարակել ֆեյսբուքյան օգտատերերից մեկը:
Posted by Armine Mikayelyan on Friday, 21 August 2020
