Մամուլում լուրեր էին շրջանառվում, որ Ամենայն Հայոց Գարեգին Բ և Մեծի տանն Կիլիկիո Արամ Ա կաթողիկոսները հրաժարվել են այս տարի նոյեմբերի 24-ին կայանալիք «Հայաստան» հիմնադրամի ամենամյա դրամահավաքին նվիրատուներին հայրապետական օրհնության և զորակցության խոսք ասել։
Radar Armenia-ի հետ զրույցում Մայր Աթոռի տեղեկատվական համակարգի տնօրեն Տ. Եսայի քահանա Արթենյանն ասաց, որ «Հայաստան» համահայկական հիմնադրամից նոյեմբերի 11-ին Մայր Աթոռում ստացվել է դիմում՝ հերթական հեռուստամարաթոնի համար մինչև նոյեմբերի 16-ը տրամադրելու ամենայն հայոց կաթողիկոսի տեսաուղերձը.
«Այս կապակցությամբ հանձնարարվել է, որ Վեհափառ Հայրապետի օրհնությունը հեռուստամարաթոնի մասնակիցներին կփոխանցի ԱՄՆ հայոց արևմտյան թեմի առաջնորդ Գերաշնորհ Տ. Հովնան արքեպիսկոպոս Տերտերյանը»։
