Այսօր՝ օգոստոսի 25-ին, սիրված երգիչ, երգահան Հայկոն կդառնար 49 տարեկան։ Նրա ծննդյան առիթով ընկերները Հայկոյին նվիրված համերգ են կազմակերպել, որի ընթացքում կատարելու են Հայկոյի երգերը։
Հայկոն տասնյակից ավելի լավագույն մրցանակներ ունի տարբեր անվանակարգերում, իսկ 2011-ին Մոսկվայի հայկական երաժշտական «Արմենիա» ամենամյա մրցանակաբաշխության ժամանակ արժանացավ «Տասնամյակի երգիչ» մրցանակին: Բայց ոչ մի մրցանակ, ոչ մի կոչում չի համեմատվի այն սիրո հետ, որ վայելում էր կյանքի ընթացքում, նա կմնա հավերժ սիրված, սիրո հավերժ երգիչ»։
Հավելենք, որ վերջերս Հայկոյի եղբայրը՝ Վահեն, հարցազրույց էր տվել, որում նրան հարց էին տվել՝ ի՞նչ կաներ, եթե հանդիպեր Հայկոյին։ Վահեն տվել էր հետևյալ պատասխանը․ «Ամուր կգրկեի ու կասեի` շատ եմ կարոտել…»։
Հիշեցնենք, որ սիրված երգիչը մահացել է նախորդ տարի։ Սեպտեմբերի 29-ին կլրանա նրա մահվան առաջին տարելիցը։
