Վարչապետ Նիկոլ Փաշինյանն աշխատանքային այցով գտնվում է Գեղարքունիքի մարզում։ Փաշինյանը Մարտունիում այս պահին մասնակցում է Մարտունի քաղաքի հիմնադրման 190-ամյակին նվիրված տոնակատարությանը։ Նրան ուղեկցում է Գեղարքունիքի մարզպետ Գնել Սանոսյանը, Մարտունի համայնքի ղեկավար Արմեն Ավետիսյանը, ներկա է նաև ՀՀ ԿԳ նախարար Արայիկ Հարությունյանը։ Փաշինյանը շնորհավորեց մարտունեցիներին՝ նկատելով, որ խորհրդանշական օր է։
Ըստ նրա՝ Մարտունին միշտ էլ նշելու, տոնելու, հպարտանալու առիթ ունի, որովհետեւ մարտունեցիները ՀՀ բոլոր քաղաքացիների նման աչքի են ընկում իրենց ուժեղ կամքով ու աշխատասիրությամբ։
