Սահմանափակ պատասխանատվության ընկերություններից մեկի հիմնադիր տնօրենը ԱՀ Մարտունու շրջանի Մաճկալաշեն համայնքում թռչնաբուծարան ստեղծելու համար պետությունից խաբեության եղանակով ստացել և հափշտակել է գումար՝ Արցախի Հանրապետությանը պատճառելով առանձնապես խոշոր չափի գույքային վնաս:
Այս մասին տեղեկացնում է ԱՀ ՔԿ-ն:
ԱՀ քննչական կոմիտեի հատկապես կարևոր գործերով քննության վարչությունում քննվող քրեական գործի շրջանակներում ԱՀ քրեական օրենսգրքի 184-րդ հոդվածի 3-րդ մասի 1-ին կետով կատարած հանցագործության կատարման համար որպես մեղադրյալ է ներգրավել 1982թ ծնված Գ. Վ-ն:
Նա պետությունից խաբեության եղանակով ստացել և հափշտակել է 52 միլիոն 500 հազար ՀՀ դրամ գումար՝ Արցախի Հանրապետությանը պատճառելով առանձնապես խոշոր չափի գույքային վնաս:
Գ. Վ-ի նկատմամբ որպես խափանման միջոց է ընտրվել կալանավորումը։
Նախաքննությունը շարունակվում է:
