Ռուսաստանը Ուկրաինայի հետ պատերազմի համար իր գրեթե ողջ մարտունակ բանակը տեղակայել է ուկրաինական պետության oկnւպացված տարածքներում և Ուկրաինային սահմանակից իր տարածքներում, այս մասին ապրիլի 19-ին իր ուղերձում ասել է Ուկրաինայի նախագահ Վլադիմիր Զելենսկին։
«Այժմ ռուսական բանակի գրեթե ողջ մարտnւնակ մասը կենտրոնացած է մեր պետության տարածքում և Ռուսաստանի սահմանամերձ շրջաններում, նրանք բերել են գրեթե բոլորին և գրեթե ամեն ինչ, ով ի վիճակի է կռվել Ուկրաինայի դեմ։ Ուստի այս դիմակայությունում, այս պաշտպանությունում, ամբողջ աշխարհի աչքի առաջ մենք իսկապես հակադրվում ենք մի բանակի , որը համարվում իր հզորությամբ աշխարհում երկրորդ կամ երրորդը»,- նշել է Ուկրաինայի նախագահը։
Զելենսկիի խոսքով եթե իրենց հասանելի լիներ այն բոլոր զենքերը, որոնք Ուկրաինային անհրաժեշտ են, որոնք ունեն երկրի գործընկերները և որոնք համեմատելի են Ռուսաստանի Դաշնության կիրառած զենքի հետ, ապա արդեն իրենք ավարտած կլինեինք այս պատերազմը։ «Մենք արդեն կվերադարձնեինք աշխարհը և կազատագրեինք մեր տարածքները», – ասել է Ուկրաինայի նախագահ Վլադիմիր Զելենսկին: