Մյասնիկյան համայնքում 2021 թվականի համար հաստատված համաֆինանսավորման երեք սուբվենցիոն ծրագրերից ևս մեկով նախատեսված աշխատանքները մեկնարկել են՝ ասֆալտապատվում է Մոնթե Մելքոնյանի անվան փողոցը: Այս մասին հայտնում են Արմավիրի մարզպետարանից:
Շինաշխատանքներն իրականացնում է «Կոտայքի ՃՇՇ» ՍՊԸ-ն: Համաֆինանսավորման ծրագրի այս բաղադրիչով նախատեսված աշխատանքների արդյունքում առաջնահերթ անվտանգ երթևեկություն կապահովվի Մոնթե Մելքոնյանի անվան կենտրոնական փողոցում, որտեղ տեղակայված են «Մոր և մանկան» ԱԿ-ն և «ՀայՓոստ» ՓԲԸ-ի տարածքային բաժանմունքը:
Մյասնիկյանում սուբվենցիոն ծրագրով ընթացքի մեջ է նաև 1967 թվականին կառուցված մշակույթի տան վերանորոգումը, իսկ առաջիկայում կմեկնարկի մանկապարտեզի ցանկապատումը: