Թուրքիայի հյուսիս -արևմուտքում՝ Բալիկեսիր նահանգում, ավտոբուս է շրջվել: Վթարի հետևանքով զոհվել է առնվազն 14 մարդ, որոնցից 11 -ը՝ տեղում, իսկ երեքը՝ հիվանդանոցում, հայտնում է Anadolu լրատվական գործակալությունը:
Եվս 18 մարդ հոսպիտալացվել է քաղաքի հինգ հիվանդանոցներում: Ավտոբուսը շարժվել է դեպի Էդրեմիտ քաղաք: Դեպքի վայրում կատարվում է քննություն, դեպքի հանգամանքները պարզվում են:
Սա մեկ շաբաթվա ընթացքում ավտոբուսի երկրորդ վթարն է Թուրքիայում: Երկուշաբթի, օգոստոսի 2 -ին, Անթալիա նահանգում շրջվել է զբոսաշրջիկներով ավտոբուսը, որով տեղափոխվում էին ռուսաստանցի ճանապարհորդներ:
