«Քաղաքացիական պայմանագիր» կուսակցության կենտրոնական գրասենյակում մեկնարկել է կուսակցության նորընտիր պատգամավորների հանդիպումը ՀՀ վարչապետի պաշտոնակատար Նիկոլ Փաշինյանի հետ: Հանդիպմանը ներկա են Խաչատուր Սուքիասյանը, Գուրգեն Արսենյանը, Գուրգեն Մելքոնյանը, Վիգեն Խաչատրյանը, Արսեն Թորոսյանը և այլք։
Նիկոլ Փաշինյանն ու նորընտիր պատգամավորները քննարկելու են օգոստոսի 2-ին կայանալիք ԱԺ անդրանիկ նիստի օրակարգին վերաբերող հարցեր:
Մեր տեղեկություններով՝ իշխող ուժում հստակեցվելու է, թե ովքեր են լինելու խորհրդարանի ղեկավար կազմի (ԱԺ նախագահ, փոխնախագահներ) կուսակցության թեկնածուները, ինչ հանձնաժողովներ են ձևավորվելու և ովքեր են լինելու դրանց ղեկավարները։
