Այսօր՝ հուլիսի 22-ին, կառավարության նիստում վարչապետի պաշտոնակատար Նիկոլ Փաշինյանը, մինչ օրակարգին անդրադառնալը, ընդգծեց. «Հուլիսի 17-ին հրապարակված որոշմամբ ՀՀ Սահմանադրական դատարանը ուժի մեջ թողեց ԿԸՀ-ի՝ ՀՀ Ազգային ժողովի 2021թ. հունիսի 20-ի արտահերթ ընտրությունների արդյունքներն ամփոփելու մասին թիվ 184 Ա որոշումը»:
Նա նշեց, որ սրանով ևս մեկ անգամ արձանագրվեց, որ արտահերթ ընտրությունները Հայաստանում անցել են ժողովրդավարության չափանիշներին համապատասխան, և ընտրությունների վերջնական արդյունքներն արտահայտում են ՀՀ ժողովրդի կամքը: