Անհայտ անձինք առևանգել են Պակիստանում Աֆղանստանի դեսպանի դստերը և խոշտանգման են ենթարկել նրան: Այս մասին հաղորդում է Reuters գործակալությունը՝ հղում տալով Աֆղանստանի կառավարության հայտարարությանը:
Նշվում է, որ Սիլսիլա Ալիխայիլին առևանգել են ուրբաթ օրը տուն վերադառնալիս: Նրան մի քանի ժամ խոշտանգել են:
«Ազատվելուց հետո տիկին Ալիխայիլը բուժում է անցնում հիվանդանոցում», — ասված է հաղորդագրության մեջ:
Պակիստանի արտաքին գործերի նախարարությունը հաստատել է առևանգման փաստը: Իսլամաբադի վարկածով՝ Սիլսիլային առևանգել են վարձակալած հեծանիվ վարելու ժամանակ:
Իսլամաբադի ոստիկանությունը դեպքի առիթով հետաքննություն է սկսել:
