Ոստիկանության պարեկային ծառայությունը հուլիսի 7-ից սկսում է իր աշխատանքը: Վերապատրաստված պարեկային 700 ծառայող առաջին անգամ դուրս են եկել Երևանի փողոցներ հասարակական անվտանգությունը ապահովելու համար:
Պարեկային ծառայության հետ մեկտեղ գործելու է նաև մեկ միասնական օպերատիվ կառավարման կենտրոնը: Քաղաքացին այլևս չպետք է զանգի տարբեր համարներով իր տարբեր խնդիրներին լուծումներ տալու համար:
Օրինակ, եթե կա ընտանեկան բռնության դեպք, ճանապարհատրանսպորտային պատահար, երեխայի հետ կապված խնդիր կա և այլն, յուրաքանչյուր հարցով քաղաքացին զանգում է «1-02» համարով ու այդ կենտրոնից ստանում է այն ամբողջ աջակցությունը, որն անհրաժեշտ է։
Մեզ հաջողվեց նաև պարզել, որ Երևանում այսօր առաջին անգամ ծառայության դուրս եկած պարեկային ոստիկանության ծառայողները ծառայությունն իրականացնւմ են SKODA OCTAVIA մեքենաներով։
Լուսանկարները՝ ստոորև։
