ՌԼԴԿ առաջնորդ Վլադիմիր Ժիրինովսկին առաջարկել է մանկական տարիք համարել մինչեւ 30 տարեկանը, տեղեկացնում է ՏԱՍՍ-ը։
«Եկեք տարիքն ավելացնենք. երեխա կհամարվեն նրանք, ում 30 տարին չի բոլորել։ Նրանք ոչինչ չեն հասկանում մինչեւ 30 տարեկանը, նրանք բոլորը երեխաներ են»,- Պետդումայի լիագումար նիստում դիմել է նա պատգամավորներին Երեխաների պաշտպանության միջազգային օրը։
Ժիրինովսկին առաջարկել է ավագ սերունդ համարել նրանց, ովքեր բոլորել են 70-ը։ «Իսկ միջին (սերունդը) ամենաոսկին է։ Աշխատեք, 35-ն անց ընկերներ, ամբողջ հույսը ձեզ վրա է»,- ասել է նա։
Անցած տարվա դեկտեմբերին Պետդուման ընդունեց օրենք երիտասարդության տարիքը մինչեւ 35 տարեկան ներառյալ բարձրացնելու մասին։