Հոկտեմբերի 28֊ին մահացու հրազենային վիրավորում ստացած, 19-ամյա զինծառայող Վահե Սեյրանի Հովակիմյանը Լոռու մարզի Վանաձոր քաղաքից էր։ Սովորել է Վանաձորի Ա. Բակունցի անվան թիվ 7 միջնակարգ դպրոցում։
Դպրոցն ավարտելուց հետո ուսումը շարունակել է Վանաձորի Ս. Թևոսյանի անվան պետական Պոլիտեխնիկական քոլեջում։ Ծառայել է Արցախի Հանրապետության Մարտակերտի շրջանի Ներքին Հորաթաղի հրետանային գնդում, որպես շարքային (վարորդ)։
Թուրք-ադրբեջանական ագրեսիայի ընթացքում, մահու և կյանքի մեջ կռիվ տալով, բարություն մարմնավորող Վահեն անմահացավ հոկտեմբերի 28-ին՝ Մարտունիում։
