Արթուր Վանեցյանը կորոնավիրուսի թեստ է հանձնել․ պատասխանը հայտնի է

«Ժամանակ» թերթը գրում է. ««Ժամանակ»-ի տեղեկություններով՝ կորոնավիրուսով է վարակվել նաև «Հայրենիք» կուսակցության նախագահ Արթուր Վանեցյանը:

Վանեցյանը չի գնում կուսակցության գրասենյակ և ինքնամեկուսացել է իր բնակարանում: Նրա առողջական վիճակը բավարար է»:

Հավելենք, որ ՀՀ առողջապահության նախարարությունը տեղեկացնում է, որ հունիսի 30-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 25542 դեպք, որոնցից 14048-ն` առողջացած, 443-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 10904 պացիենտ: Ընդհանուր առմամբ կատարվել է 111844 թեստավորում:

Այսպիսով` ունենք կորոնավիրուսային հիվանդությամբ հաստատված 415 նոր դեպք և 751 առողջացած։

Մահվան դեպքերի վերաբերյալ հայտնում ենք, որ պացիենտները եղել են 59 (կին), 74 (տղամարդ), 82 (կին), 43 (տղամարդ), 65 (կին), 80 (կին), 74 (կին), 87 (կին), 73 (կին) և 46 (տղամարդ) տարեկան։ Բոլորն ունեցել են ուղեկցող քրոնիկական հիվանդություններ։