Արցախում մեկնարկել է զորակոչիկների բժշկական հետազոտման գործընթացը

Ամառային զորակոչին ընդառաջ՝ Պաշտպանության բանակի և առողջապահության նախարարության համատեղ ուժերով մեկնարկել է պարտադիր զինվորական ծառայության նախապատրաստվող քաղաքացիների բժշկական հետազոտման գործընթացը: Այս մասին հայտնում է Արցախի տեղեկատվական շտաբը: Հետևելով համավարակի կանխարգելման կանոններին՝ այս անգամ փոփոխություններ են մտցվել կազմակերպչական աշխատանքներում:

Հիշեցնենք, որ կառավարության նիստում որոշվեց հայտարարել 2020 թվականի մայիսի 1-ից մինչև օգոստոսի 30-ը ներառյալ Հայաստանի Հանրապետության արական սեռի այն քաղաքացիների շարքային կազմի պարտադիր զինվորական և այլընտրանքային ծառայությունների ամառային զորակոչը, որոնց 18 տարին լրանում է մինչև 2020 թվականի հունիսի 30-ը ներառյալ, ինչպես նաև այն քաղաքացիների, որոնց շարքային կազմի պարտադիր զինվորական ծառայության զորակոչից նախկինում տրված տարկետումը դադարում է մինչև 2020 թվականի հուլիսի 31-ը ներառյալ:

Ըստ նախագծի՝ 2020 թվականի ամառային զորակոչի շրջանակում մինչև 2020 թվականի օգոստոսի 11-ը ներառյալ կզորացրեն օրենքով սահմանված ժամկետում շարքային կազմի պարտադիր զինվորական կամ այլընտրանքային զինվորական ծառայություն անցած զինծառայողներին: Որոշում կայացվեց նաև այլընտրանքային աշխատանքային ծառայությունից արձակել սահմանված ժամկետում այլընտրանքային աշխատանքային ծառայություն անցած ծառայողներին:

Նշված է նաև, որ 2020 թվականի ամառային զորակոչի կազմակերպման նպատակով կստեղծվի հանրապետական զորակոչային հանձնաժողով։

Պաշտպանության նախարարը որոշումն ուժի մեջ մտնելուց հետո յոթնօրյա ժամկետում կընդունի շարքային կազմի պարտադիր զինվորական ծառայության 2020 թվականի ամառային զորակոչի անցկացման և օրենքով սահմանված ժամկետում շարքային կազմի պարտադիր զինվորական ծառայություն կամ այլընտրաքային զինվորական ծառայություն անցած զինծառայողներին զինվորական ծառայությունից արձակելու մասին հրաման դրանում նախատեսելով, որ զինված ուժերի համալրումը շարքային կազմի պարտադիր զինվորական ծառայության կամ այլընտրանքային զինվորական ծառայության ենթակա քաղաքացիներով իրականացվում է 2020 թվականի հուլիսի 1-ից մինչև օգոստոսի 30-ը ներառյալ, իսկ օրենքով սահմանված ժամկետում շարքային կազմի պարտադիր զինվորական ծառայություն կամ այլընտրանքային զինվորական ծառայություն անցած զինծառայողների զորացրումն իրականացվում է 2020 թվականի հուլիսի 1-ից մինչև օգոստոսի 11-ը ներառյալ։

Ամառային զորակոչին ընդառաջ՝ Պաշտպանության Բանակի և առողջապահության նախարարության համատեղ ուժերով մեկնարկել է պարտադիր զինվորական ծառայության նախապատրաստվող քաղաքացիների բժշկական հետազոտման գործընթացը: Հետևելով համավարակի կանխարգելման կանոններին՝ այս անգամ փոփոխություններ են մտցվել կազմակերպչական աշխատանքներում:

Posted by Արցախ / Տեղեկատվական շտաբ on Tuesday, April 28, 2020

Loading

Մի մոռացեք կիսվել Ձեր ընկերների հետ