ԱԺ «Իմ քայլը» խմբակցության ղեկավար Լիլիթ Մակունցը ֆեյսբուքյան իր էջում տեսանյութ է հրապարակել Դիլիջանի հանգստի ժամերից։
«Խմբակցության հերթական «պառակտումը»»,- տեսանյութին կից գրել է նա:
Տեսանյութում իմքայլականները Կոմիտասի «Կաքավիկ»-ն են երգում: Պատգամավոր Արթուր Մանուկյանը կիթառ է նվագում, իսկ գործընկերները նրան ձայնակցում են:
ԱԺ «Իմ քայլը» խմբակցության անդամ Գայանե Աբրահամյանն իր ֆեյսբուքյան էջում տարածել է տեսանյութը` դրան կից գրելով հետևյալը.
«Թե էս սորոսականներն ինչ իրավունքով են Կաքավիկ երգում …»:
Հիշեցնենք, որ ՀՀ ԱԺ «Իմ քայլը» խմբակցության անդամները Դիլիջանում են: Խմբակցության ղեկավար Լիլիթ Մակունցը լուսանկարներ է հրապարակել և գրել, թե ինչ քննարկումներ են կազմակերպել.
«2020-ի ռազմավարական պլանավորման արտագնա աշխատանքային հանդիպման ընթացքում «Իմ քայլը» խմբակցությունը քննարկում է հետևյալ առաջնահերթությունները.
1. ԶԼՄ բարենպաստ իրավական միջավայր,
2. Ընտրական օրենսգիրք, կուսակցությունների մասին օրենք,
3. Առողջության համապարփակ ապահովագրություն,
4. Սահմանադրական բարեփոխումներ,
5. ՏԻՄ, գյուղատնտեսություն, ընդերք, ջրային տնտեսություն և ռազմավարական այլ ուղղություններ ու մոտեցումների հստակեցում»:
Խմբակցության հերթական «պառակտումը»:)
Posted by Lilit Makunts on Friday, January 31, 2020