Այն, որ արջերը սիրում են մեղր, բոլորին է հայտնի: Բայց քչերը գիտեն, թե ինչ հնարքների դիմելու կարիք են ունենում մեղվապահներն իրենց տնտեսությունը պահպանելու համար: Սակայն Իբրահիմ Սեդեֆը որոշեց մոտենալ խնդրին ոչ այնքան սովորական կողմից:
Bored Panda-ն գրում է, որ Տրապիզոնից մի թուրք գյուղացի արդեն հուսահատվել էր` փորձելով փրկել իր փեթակները արջերից, որոնք ցանկանում էին մեղր ուտել:
Բանն այն է, որ արջերը ոչ միայն մեղրն էին ուտում, այլև կոտրում փեթակները և այն ամենը, ինչ հանդիպում էր իրենց ճանապարհին:
Իբրահիմն արդեն փորձել էր ամեն ինչ, նաև վանդակներ ու ցանկապատեր, բայց արջերը սողոսկում էին ամեն տեղից: Արդյունքում մեղվապահը որոշեց օգտվել «ավազակներից»: Քանի որ արջերը լավ են հասկանում մեղրից, հենց նրանց միջոցով փորձել է պարզել մեղրի լավագույն տեսակները:
Արդյունքում մեղվապահը պարզել է, որ «Անզեր» տեսակի մեղրն ամենալավն է: Արջերը նախընտրել են հենց այդ մեղրը, որն ի դեպ աշխարհի ամենաթանկ մեղրն է համարվում: Այդ մեղրի մեկ կիլոգրամն արժե մոտ 22 հազար ռուբլի:
Իսկ ամենաքիչը արջերի կողմից գնահատականի արժանացել է բալի մեղրը: Բալի մեղրին արջերը գերադասել են խնձորի մեղրը:
Նյութի աղբյուր՝ SHANTNEWS
